سين ولام والف ومي
لكل المؤمنين وكمان للكافرين
اصحوا يا ناس.. لا تظلوا نايمين
كفاكم خنوع من الاف السنين
مئات الملايين.. عن بيوتها مشردين
اطفال جوعانين.. نساء مهانين
بحجة الدين والمذهب اللعين
والهيكل العظيم.. مات الملايين
انا ما بقللك اكفر ولا ابعد عن الدين
بس خليك عاقل وفكر بالثانيين
لا تظلوا مفككين.. بقعولكو مبعثرين
في ناس مظلومين.. حتى بدون دين
بنظرولنا بتخلف لانو عنا جهالة.
قضاتنا مرتشين مفشي عنا عدالة
البنت بقيسوا شرفها بغشاء البكارة
والشب اذنه مصاحب بقولوله يا كبارة
يا خسارة.. على بلد ما فيها مساواة
الواصل بالحكومة بتلحق كل الناس وراه
اكبر هم المواطن يستنى قدام سفارة
بدو يهرب ملبلد يركب باول طيارة
صروح العلم عنا كلها بدها تجديد
تماما كحكامنا الي مفكرينا عبيد
نفتخر بماضينا وبعلماءنا الي ماتو
والقوى العظمى قسمونا تماما مثل الچاتو
لا تفتخر باصلك وتقول انا ابن فلان
اصلك ما برفع قدرك ترا افهم يا فهمان
سؤالي الاخير لو انت راضي بالي بصير
ما بدهاش ايا تفكير بلّش هسا بالتغيير!
