Êdî bêzar im ji aramiyê
Bêdengî dike qêrîn û
Dengê qêrîna wê dikeve guhê min
Ji dil û kezebê dike qêrîn
Weke ku man û nemana wê bi wê ve girêdayî be
Êdî nikarim barê kederên xwe hilgirim
Perdeya guhê min qetiya ye
Êş û janê ez har kirime
Weke kozirê agir
Û bedena min qeşa girtiye
Weke serê tiliyan piştî leyistina bi berfê
Êdî sebra min ji van dengan re nemaye
Ên ku dibêjin divê tu aştiyê ji min re bînî
Bo çi tu dubendiyê dixî nava min
Bo çi dikî ku qesda canê xwe bikim
Bo çi dikî ku ramanên nexwestî têkevin kûrahiya serê min
Dihêlî ku
bifikrim
bifikrim
bifikrim
Êdî nikarim hilgirim ku
Ez ê qet nikaribim li ser fikr û ramanên xwe heta dawiyê bifikrim
Lewra wê dawî li fikrînê neyê
