Mala pîrê sitara pîrê
Dibêjin li ba me
Gava tenê dimîne ten ji tîn
Kes rêya xwe li hewşa kevnar naxe
Xencî keleşêrê sofî, ê sol gore sipî
Û xeyda qelareşkê ya ji Poe mayî
Tê bîrê, pîrê berê mîna Annabel Lee
Û niha mîna kelefeyeke xalî
Qefesa bîranînan mişt bi xewnan
Di neynika zîvîn da deriyize rû
Tewiyaye bejn û bala qişt, deverû
Mêrê wê bû ax û çû
Zar zêç belawela, mîna dû
Lê mala pîrê hê sitara pîrê
Her ro hişyar bibe jî li zemanê berê
Ew ê tim bibe Annabel Leeya vê şiirê
