حلم بفيق بعده جوعان كتير وأنا بالعاده الصبح ما بجوع للساعة ثلاثة الظهر الا باليوم ياللي بشوف في المنام بفيق لح موت من جوعي وبدور على أي شيء آكله بالحلم بكون واقف جوعان جوات محل أبو ماهر بتفاصيل المكان اللي بس فيق من الحلم لحظات بسأل حالي وين أنا تفاصيل مثل الطاولة وجهتها بلور مكسور وبتشوف من وراها جاطات الخس والبندورة والخيار والمخلل واللبن بالطحينية تفاصيل مثل الحيطان المقشر دهانها ورا المقلاية الحلم بطلب من أبو ماهر سندويش فلافل كبيرة وببلش يجهزها قدامي بنفس الطريقة ياللي كان يسويها بالواقع جيب رغيف الخبز الكبير وبيفقس فوقو الفلافل ويحط الطحينية وفوقها الخضرة وبلف السندويشة بجريدة آخر مرة من أسبوع شفت نفس الحلم بس هالمرة كنت عرفان حالي إني بالحلم وعرفان ما راح أكلها للسندويشة فقررت بالحلم إني أطلب 500 سندويتشه وقلت لحالي بالحلم بركي بطوف الحلم بالسندويشات وبتهرب سندويشة عالواقع فقت من الحلم وأنا زعلان وجوعان مسكت الموبايل وطلبت سندويشتين فلافل الليفاراندو
٢٠٢٣ | محمد زهرة | سوريا
