Ji sala 2021an ve li navçeya Neukolln ya Berlinê festîvala vegotinê tê lidarxistin. Îsal bi sernavê „Xewn- mekanên rojane“ gelek çalakiyên cihereng hatin lidarxistin û bi hevre çîrokên jiyana rojane ya Berlinê hatin vegotin. Armanc ew bû ku balê bikşînin ser cureyên rastiya jiyana nava rojê. Bi vê hevdîtinê û giftugoyê mirov dikare empatiyê ji bo perspektivên din yên jiyanê ava bike. 

Em jî tevî 5 helbestvanê xwe tevlî bûn: Mariia Kaziun, Iryna Omelyanchuk, Robina Karimi, Rojin Namer û Ali Alzaeem. Rêvebira projeyê Theresa Rüger proje da naskirin û helbestên ku hatibûn wergerandin xwendin. Bi berhemên Irzna û Mariia cara yekem berhemên ji kargeha-ûkraynî jî hatin xwendin. Di helbesteke hestiyar de Mariaa behsa hatina xwe ya Almanyayê dike piştî ku neçar man ji Kîyewê birevin:“                                                                                                                  

Di destê min de ewro ne, ne hrywnja (pereyê ûkraynî).

Kestane li vê derê cûda ne. 

Evîna neçar ya welatî

Wisa hêsan 

Wisa zu tê fahmkirin,

bi çûyînê re.“

Di heman demê de hêvî xwe di helbestê de nîşan dide. Hêvîya bidawîbûna şer û derfeta vegera Ûkranya û hêviya jiyaneke nû û bextewar li Berlinê:“

Dawî.

DAWÎ!

Gelo bi rastî jî ew e?

Ne Jobcenter û ne dîwarên tenik. 

Maleke biçûk, germ û xweş,

ez dikarim dîsa ezmanekî şîn di pencereya xwe re bibînim.“

Beşdarên ku piraniya wan jî ciwan, malbat û cînarê derdora Herrfurtplatyê bûn, bi vê çalakiye bandor bûbûn. Em gelekî kêfxweş in ku ev berhem ewqas baş hatin pêşwazîkirin û dixwazin spasiya xwe ji organîzatorên interkular re pêşkeş bikin! Spasiyeke taybet jî ji Mustafa Aliesa re, yê ku bi berdewamî beşdarî kargehên me yên nivîsandina erebî dibe û îro ji bo interkular li pişt kamerayê bû.

Genezarethkirche Neukölln
Genezarethkirche Neukölln
Wêne: © Mustafa Aliesa/Miguel Parada